Naranasan mo na bang lokohin? Hindi lahat ng
labis ay masusuklian.
May pag-ibig ka na ba ngayong buwan ng
Feb-ibig? Anu-ano bang mga katangian ang hinahanap mo?
Ang paraan ng pagpili ng mamahalin ay
parang isang konsyumer na dapat tinataglay ang isang matalinong
mamimili.
Narito ang pitong paraan at dapat taglay ng
isang mamimili sa merkado at namimili ng kapareho.
Una –
Mapanuri
Kung ikaw ay isang matalinong
mamimili dapat ay tinitingnan ang
sangkap, presyo, timbang, pagkakagawa, at iba pa. Inihahambing ang mga produkto
sa isa’t isa upang makapagdesisyon nang mas mabuti.
Ang pagsuri ng taong mamahalin ay hindi
nasusukat lamang sa ganda ng label ng produkto. Hindi porket kaakit akit ang pabalat
ikaw ay jackpot. Halimbawa, tinitingnan natin if may katangian siya ng tulad ng
mga magulang natin. Minsan nagiging mapaghanap tayo sa mga katangian pisikal
tulad ng itsura, kulay, taas at maging paraan ng pananamit. Pero sa huli
natanong mo ba ang iyong sarili? Forever nya kaya akong mamahalin? Isang tanong
na ang sagot ay wala sa panlabas kundi nasa puso na mamahalin ka ng wagas.
Pangalawa – May Alternatibo
Matalino kang mamimili kung marunong
kang humanap ng pamalit o panghalili na makatutugon din sa pangangailangang
tinutugunan ng produktong dating binibili.
Masakit maging second choice, option
o panakip butas. Kaya huwag tayo dapat pumasok sa isang relasyon kung hindi mo
kayang panindigan at magpapaasa lamang. Ang pagmamahal ay hindi parang isang
damit na pag may nakita kang depekto ay pwedeng isauli na basta lamang. Walang
7 days warranty sa tunay na nagmamahal.
Pangatlo - Hindi Nagpapadaya
Ang
matalinong mamimili ay laging handa, alerto, at mapagmasid sa mga maling gawain
lalo na sa pagsusukli at paggamit ng timbangan.
Maraya, yung tipong ibinigay mo
lahat lahat pero para sa kanya ay hindi parin sapat. Tiwala, yung akala mong
habang buhay mo na siya makakasama pero sa kanya ikaw pala’y parang isang lata
ng sardinas na may expiration. Ang masakit pa, bukod sa sinayang ka, e sa huli ay itatapon pa.
Pang-apat - Makatwiran
Makatwiran ang konsyumer kapag
inuuna ang mga bagay na mahalaga kompara sa mga luho lamang.
Ang pagmamahal ba ay isang
kagustuhan o kailangan? Kagustuhan na para lang makasabay sa mga kaibigan,
kakilala o nakikiuso lang. Kailangan, dahil alam mong natupad mo na ang mga una
mong pangarap sa buhay. Kung kayat alam mong ang pagpili ng mamahalin o makakasama
sa buhay na kukumpleto sa isa sa mga kailangan mo.
Panglima – Sumusunod sa Badyet
Tinitimbang niya ang mga
bagay-bagay ayon sa kanyang badyet. Tinitiyak niyang magiging sapat ang
kaniyang salapi sa kaniyang mga pangangailangan.
Expection…Expectation…Expectation.
Madalas kang masasaktan kung lagi kang mag e expect. Hindi masamang mag set ng
standards pero dapat yung standard na kaabot abot naman. Kung may gusto kang
bilhin siguraduhin mong abot sa badyet. Kung gusto mong ikaw ay mahalin dapat
para kang 7/11 na laging bukas. Bukas pero hindi pagnanakawan, kundi bukas para
tumanggap sa mga taong lumalapit at nakapaligid sa’yo.
Pang- Anim – Di nagpapanic-buying
Alam ng matalinong mamimili na ang
pagpapanic-buying ay lalo lamang nakapagpapalala sa artipisyal na kakulangan na
bunga ng hoarding.
Huwag mataranta, huwag mag-alala.
Ang pag-ibig ay hndi parang facemask na nagkakaubusan. Hindi rin ito parang
barya na dapat itinatago. Maging balanse sa mga pangyayari, ikaw nga go with
the flow pero gamit ang puso at isip. May tamang panahon at pagkakataon ang
pagmamahal.
Pangpito - Di Nagpapadala sa Anunsiyo
Ang
pag-endorso ng produkto ng mga artista ay hindi nakapagpapabago sa pagkonsumo
ng isang matalinong konsyumer. Ang kalidad ng produkto ang tinitingnan at hindi
ang paraan ng pag-aanunsiyo na ginamit.
Biruan,
asaran at tuksuhan. Minsan yan ang dahilan kung bakit tayo nagiging interesado
sa isang tao. Madalas na pe pressure sa sinasabi ng iba. Dapat hindi ka basta
basta magpapadala sa sinasabi ng iba. Mas importanteng pakinggang ang sariling
puso’t isip at samahan ng kunsensya.
Hindi ko
sinasabing perpekto ang mga pananaw ko kung paano maging matalino at mamili pag
dating sa pag-ibig. Pero isa lang ang sigurado ako. Ang pitong katangiang
nabanggit na dapat taglayin ng isang mamimili ay patunay na isa kang matalino
at wais na konsyumer kung ito’y iyong susundin at isasabuhay.
